Quel terrone di Bossi
Da: "Il Mattino", 18 Agosto 2009
Testo originale: Umberto Bossi
Traduzione: professor Nicola De Blasi
Quanno cantammo l'inno nuosto, 'o Va' penziero, tutte quante 'o cantano pecché 'e pparole 'e ssanno tutte quante, no comme a chillo italiano ca nun 'o sape nisciuno. Si tutto nu popolo, meliune e meliune 'e perzune, sanno 'o Va penziero e 'o cantano cu piacere, vò ricere ca int''o core r''a gente sta cagnanno tutte cose, anze tutt'è cagnato già. All'alta Italia, int''e scole r''a Patània, comme inno r''a Nazione nun faceveno 'mparà Fratelli d'Italia, ma 'O Piave murmuliava. A me, â scola, m'imparaieno 'O Piave murmuliava, no contr'a Fratelli d'Italia, ma comm'a nu dat''e fatte.
Pe me, 'o dialetto int''e scole s'avess'a sturià pe forza. Me l'ha itto pure muglierema, ca fa 'a prufessuressa e sti ccose 'e ccapisce. Nu prufessore chiammaie a patemo e a mammema e ce ricette ca â scola quanno screveva ie ce metteva 'e pparole r''o dialetto, e isso ricette a papà e a mammà ca nun avevan'a parlà 'o dialetto. Ricette 'a copp''a mana patemo ca si nun ce piaceva 'o dialetto nuosto puteva aizà ncuollo e se ne puteva pure ì a n'ata parte.
Quanta renare s'avessen'a spennere pe fà 'a festa r''e cientocinquant'anne 'e ll'Unità? Pe me nun s'avess'a spennere manco n'èvere. Aggio itto accussì ncopp''o Cunziglio r''e Ministre: 'e sorde ratencélle â gente, no pe s'allicurdà 'e na cosa che è gghiuta 'e n'ata manera. Comme infatti int''e bbattaglie so' muorte accise nu sacco 'e guagliune. P''o Sud a me me pare ca pure serve n'aiuto, pecché si se ripiglia 'o Sud, ce cunviene pure all'industrie 'e ll'alta Italia, ca faticano pure lloro. 'A fanno accussì difficile pecché tenene 'e cuntratte 'e n'ata ebbreca. Nuie però vulimmo aumentà 'e mmesate, e gghiammo truvanno 'e fà 'e mmesate diverse zona pe zona, comme va 'o costo r''a vita. Nuie mo avimm'a fà 'o federalismo, e chi nun va truvanno 'e mmesate diverse zona pe zona vò ricere ca nun vò fà 'o federalismo overo. Mo pe nun parlà r''e mmesate, r''e ggabbie salariali, comme fosse a dicere 'a caióla r''e mmesate, se ne so' asciute ca â Lega nun ce piace l'inno italiano. Che vanno truvanno, ca ce spartimmo? Chille r''a parte 'e coppa, 'e ll'alta Italia, so' vinte, trenta meliune 'e perzune, simmo brava gente, nun ce scassate 'e pp... Nun vaco a fà 'o penziunato e nun levo mano si nun aggio luvato 'a gente nosta 'a sott'a Roma mariola.
Testo originale: Umberto Bossi
Traduzione: professor Nicola De Blasi
Quanno cantammo l'inno nuosto, 'o Va' penziero, tutte quante 'o cantano pecché 'e pparole 'e ssanno tutte quante, no comme a chillo italiano ca nun 'o sape nisciuno. Si tutto nu popolo, meliune e meliune 'e perzune, sanno 'o Va penziero e 'o cantano cu piacere, vò ricere ca int''o core r''a gente sta cagnanno tutte cose, anze tutt'è cagnato già. All'alta Italia, int''e scole r''a Patània, comme inno r''a Nazione nun faceveno 'mparà Fratelli d'Italia, ma 'O Piave murmuliava. A me, â scola, m'imparaieno 'O Piave murmuliava, no contr'a Fratelli d'Italia, ma comm'a nu dat''e fatte.
Pe me, 'o dialetto int''e scole s'avess'a sturià pe forza. Me l'ha itto pure muglierema, ca fa 'a prufessuressa e sti ccose 'e ccapisce. Nu prufessore chiammaie a patemo e a mammema e ce ricette ca â scola quanno screveva ie ce metteva 'e pparole r''o dialetto, e isso ricette a papà e a mammà ca nun avevan'a parlà 'o dialetto. Ricette 'a copp''a mana patemo ca si nun ce piaceva 'o dialetto nuosto puteva aizà ncuollo e se ne puteva pure ì a n'ata parte.
Quanta renare s'avessen'a spennere pe fà 'a festa r''e cientocinquant'anne 'e ll'Unità? Pe me nun s'avess'a spennere manco n'èvere. Aggio itto accussì ncopp''o Cunziglio r''e Ministre: 'e sorde ratencélle â gente, no pe s'allicurdà 'e na cosa che è gghiuta 'e n'ata manera. Comme infatti int''e bbattaglie so' muorte accise nu sacco 'e guagliune. P''o Sud a me me pare ca pure serve n'aiuto, pecché si se ripiglia 'o Sud, ce cunviene pure all'industrie 'e ll'alta Italia, ca faticano pure lloro. 'A fanno accussì difficile pecché tenene 'e cuntratte 'e n'ata ebbreca. Nuie però vulimmo aumentà 'e mmesate, e gghiammo truvanno 'e fà 'e mmesate diverse zona pe zona, comme va 'o costo r''a vita. Nuie mo avimm'a fà 'o federalismo, e chi nun va truvanno 'e mmesate diverse zona pe zona vò ricere ca nun vò fà 'o federalismo overo. Mo pe nun parlà r''e mmesate, r''e ggabbie salariali, comme fosse a dicere 'a caióla r''e mmesate, se ne so' asciute ca â Lega nun ce piace l'inno italiano. Che vanno truvanno, ca ce spartimmo? Chille r''a parte 'e coppa, 'e ll'alta Italia, so' vinte, trenta meliune 'e perzune, simmo brava gente, nun ce scassate 'e pp... Nun vaco a fà 'o penziunato e nun levo mano si nun aggio luvato 'a gente nosta 'a sott'a Roma mariola.
0 Response to "Quel terrone di Bossi"
Posta un commento